شنو هو البتكوين ؟ او واش ضروري ندخل ل ديب ويب باش تشريه ؟ او علاش داير الضجة ؟
بزاف ديال الناس غالطين ف هاد البتكوين ها اللي تايقول راه بان ف ديب ويب و ضروري دخل ليه باش تشريه ها اللي تايستعملو باش إنصب على بنادم خصوصا من دوك شركات التسويق الشبكي و الهرامي ...
المهم ف هاد الموضوع اليوم غانحاول نشرح لكم ما اعرفه و ما انا متأكد منه حول هاد البتكوين 

اولا شنو هو البتكوين هو عملة رقمية يعني فلوس بحال الدرهم الدولار الاورو الفرق بنتهم هو هادو عملات نقدية و هو عملة رقمية يعني إفتراضية و هي فقط مجموعة من الارقام و الحروف او ما يسمى الهاش و تكون مشفرة على اعلى مستوى لكي لايتم سراقتها او التلاعب بها و تستخدم تقنية البلوك شين ل تخزين هاد الهاشات و المعاملات بين الاشخاص بهده العملة
طبعا البتكوين ليس العملة الرقمية او الافترضية الوحيدة بل هناك الالف من هده العملات الرقمية طبعا بتكوين هو اشهرها و اغلها تم إيثيريوم تم ليت كوين بتكوين كاش و هناك ايضا عملات قامت بها حكومات و شركات كبرة بحال فيس بوك اللي بمشاركة شحال من شركة دارو عملة خاصة بهم سميتها ليبرا ولكن مازال ما خرجوهاش الوجود قالو غاتخرج العام الجاي .
دبا نجيو ل كفاش نقدر نشري هاد العملة و اش ضروري من ندخل ل ديب ويب و شنو علاقة البتكوين ب الديب ويب 

طبعا هاد العملة ما عندها تا علاقة ب ديب ويب او الناس اللي تايربطو بناتهم غير حيث هي تتسعمل بزاف تماك الانه من الصعب إتبعوها الحكومات او الامن اما هي راه اصلا دارت ف الانترنت العادي 

كيفاش تشري هاد العملة ساهل جدا كاين بزاف ديال المواقع اللي تقدر تشري منهم غير قلب ف جوجل تلقا الالف لكن ممكن إكونو نصابة 

بالنسبة لي اضمن طريقة شفتها هي بنك بايير payeer اللي هو بنك روسي بحال بايبال ولكن به مكان لبعض العمولات الرقمية المشهورة
و بما ان دكرنا كيفاش تشريها ضروري نذكرو ب موقف القانون المغربي من شراء هاد العمولات فهو تايرفضها ب شكل تام و ممكن تعرض ل عقوبات إلى ضبطوك تأتشريها او تبيعها و لكن بطبيعة الحال رانا ف المغرب تا حاجة ف القانون متطبقش .
شكون دار هاد العملة اصلا شكون مولاها او شكون تايتحكم فيها ؟
طبعا ف العمولات الرقمية مكاينش اللي تايتحكم فيهم من غير الطلب و العرض بحال اي حاجة او حتى اللي دارها مايتحكمش فيها
بالنسبة ل بزاف د العمولات الرقمية معروف مولاهم او شركات المالكة لهم و لكن البتكوين لا حتا وحد ما عرف شكون دارها النهار اللول تايكولو راه من اليابان و لكن تا حاجة مامتأكدة و ايضا تايخدم بسمية إفتراضية " ساتوشي ناكاموتو " .

علاش بتكوين داير الضجة او كولشي تايهضر عليه و التمن ديالو طالع بزاف 
داير الضجة حيت طلع التمن ديالو او طلع التمن ديالو حيت داير الضجة ساهلة ههه 
و لكن اللي ساهم ف هدشي هو بزاف ديال الدول حتاضنوه او خلاو الناس إخدمو بيه ف المعاملات اليومية على عكس المغرب 
و ايضا حيت صعيب إتبعوه الحكومات او إفرضو عليك الضريبة بزاف ديال الناس اللي خارجين على القانون تاجهو ليه و ايضا باش تحول الفلوس فيه فابور داكشي اللي عاونو إنتشر بزاف